Ma’naviy immunitet – kuchli jamiyat kafolati

2025-10-03

Bugun Samarqand viloyati Kambag‘allikni qisqartirish va bandlik boshqarmasi hamda tizimga qarashli tashkilotlar xodimlari ishtirokida boʽlib oʽtgan “Siyosiy-ma’rifiy o‘quv soati”da shu haqda so‘z bordi.

Tadbirda yurtimizda hamda xalqaro miqyosda yuz berayotgan eng dolzarb siyosiy-ijtimoiy voqealar, shuningdek, fuqarolik pozitsiyasini mustahkamlovchi ma’naviy-ma’rifiy videoroliklar atroflicha tahlil qilindi.

Ishtirokchilar global yangiliklar bilan tanishish barobarida, jamiyatda sog‘lom ma’naviy muhitni qaror toptirish, xodimlarda barqaror hayotiy pozitsiyani shakllantirish, ijtimoiy mas’uliyat hissini oshirish kabi masalalar yuzasidan fikr almashdilar.

Mazkur o‘quv mashg‘ulotlari xodimlarning siyosiy savodxonligini oshirish, keng dunyoqarash va mustahkam ma’naviy immunitetni shakllantirishda muhim o‘rin tutmoqda.